മാനവ സേവ ജന്മ ദിന വരുമാന ശേഖരണ പദ്ധതി.

നമസ്കാരം ബന്ധു ജനങ്ങളെ,

                മാനവ സേവ മാധവ സേവ കൂട്ടായ്മയില്‍ വരുന്ന (https://www.facebook.com/groups/manavasevamadhavasevaidamnamama/permalink/303184289856594/) വാര്‍ത്തകളില്‍ നിരാലംബരും നിര്‍ധനരുമായ സഹോദരങ്ങളെ ചെറിയ രീതില്‍ സഹായിക്കാനായി ഒരു പുതിയ പദ്ധതി അവതരിപ്പിക്കുന്നു. ഒരു നേരത്തെ  ആഹരത്തിനെങ്കിലുമുള്ള  ഒരു സഹായം, അത്രയേ  ഉദ്ദേശിക്കുന്നുള്ളൂ.    ഇത്തരത്തില്‍  ചിന്തിക്കുന്നവര്‍ക്ക്  ഒരു ആശയം കൂടിയാകും ഇത്  എന്നുള്ള  പ്രതീക്ഷയില്‍   ആ സന്തോഷ വാര്‍ത്ത‍ എല്ലാവരെയും അറിയിക്കാമെന്ന് വിചാരിക്കുന്നു.

                മുഖ പുസ്തകത്തിലെ (നമ്മുടെ ഫേസ് ബുക്ക് സുഹൃത്തുക്കള്‍) നമ്മുടെ സൌഹൃദത്തിലുള്ള എല്ലാ ബന്ധുക്കള്‍ക്കും നാം ജന്മദിനം ആശംസിക്കാറുണ്ട്. വളരെ അര്‍ത്ഥവത്തായ ഒരു പടം തന്നെ അതിനായി ചെയ്തു വച്ചിട്ടുണ്ട്, അതോടൊപ്പം മാനവ സേവ മാധവ സേവ കൂട്ടായ്മയുടെ ആശയങ്ങള്‍ നാലാളിലേക്ക് കൂടി എത്തിക്കാനുള്ള ശ്രമവും നടക്കുന്നു.

ഇതാണ്  ആ  പടം....



                 ഇപ്പോള്‍ തോന്നിയ ഒരാശയം, നിലവില്‍  നമ്മുടെ ഈ മുഖ പുസ്തകത്തില്‍  നാലായിരത്തില്‍പരം അംഗവലയമുള്ള നാം അയ്യായിരത്തോളം പ്രതീക്ഷിക്കുന്നു.

2015  ജൂലായ്‌ ഒന്ന് മുതല്‍ നമ്മുടെ സുഹൃത്ത് ബന്ധുക്കള്‍ക്ക് ജന്മദിനം ആശംസിക്കുമ്പോള്‍, ഓരോ വ്യക്തിയുടെ ജന്മദിനത്തിനും കേവലം 2 രൂപ ഈ ''മാനവ സേവ ജന്മദിന വരുമാന ശേഖരണ പദ്ധതിയിലേക്ക്''  നിക്ഷേപിക്കുന്നു. ഓരോ മാസവും അഞ്ഞൂറ് രൂപയ്ക്ക് മുകളില്‍ തുക വരികയാണങ്കില്‍, (അതായതു കുറഞ്ഞത്‌ 250 വ്യക്തികളുടെ ജന്മദിനം വരുമ്പോള്‍ 500/- രൂപ, ) സാമ്പത്തിക സഹായം ആവശ്യമുള്ള ഒരാളെ കണ്ടെത്തി ഉറപ്പാക്കി അദ്ദേഹത്തിന് നല്‍കുന്നു.

                       നാം പോലും അറിയാതെ  ഈ ''വഞ്ചി'' നിറയുകയും ഒഴിയുകയും ചെയ്യുമ്പോള്‍ ഓരോ വര്‍ഷവും എണ്ണായിരം മുതല്‍ പതിനായിരം രൂപ വരെ ഈ ഒരു ആശയത്തില്‍ നിന്ന് മാത്രം നമുക്ക് മാറ്റിവയ്ക്കാന്‍ കഴിയും  നാം പോലും  അറിയാതെ.  ഈ   ലഭ്യമാകുന്ന  സഹായം  സാമ്പത്തിക ശേഷി  വളരെ  കുറഞ്ഞ  സഹോദരങ്ങള്‍ക്ക്‌   ഒരു നേരത്തെ   ഭക്ഷനത്തിനോ ഒരു  നേരത്തെ  മരുന്ന്  വാങ്ങാനോ ഉള്ള   സാമ്പത്തികം  മാത്രമേ ആകുന്നുള്ളൂ...

                    എല്ലാത്തിനും പ്രപഞ്ച സ്രഷ്ടാവിന്റെ അനുഗ്രവവും ആശിസ്സകുളം ഉണ്ടാകട്ടെയെന്ന് പ്രാര്‍ത്ഥിക്കുന്നു. ഒപ്പം എല്ലാവര്ക്കും നന്മകളും നേരുന്നു.
നന്ദി നമസ്കാരം

NB: വ്യക്തമായ ഒരു കണക്കു സൂക്ഷിക്കുവാനും എല്ലാ ദിവസവും ജന്മദിനങ്ങള്‍ ആശംസിക്കുന്നു, എന്നുറപ്പിക്കാനും ഈ കൂട്ടായ്മ ഉപയോഗിക്കുന്നു. അത്രമാത്രം.




ഇതാണ് ഈ കൂട്ടായ്മയുടെ ലിങ്ക്:

https://www.facebook.com/groups/386458604881453/

നമ്മുടെ അറിവിന്റെ ആഴങ്ങളാണ് നമ്മില്‍ ശരിയും തെറ്റും തീരുമാനുക്കുന്നത്.

                                                                       

നമസ്കാരം smile emoticon

നമ്മുടെ  അറിവിന്റെ  ആഴങ്ങളാണ്  നമ്മില്‍  ശരിയും  തെറ്റും  തീരുമാനുക്കുന്നത്.

അതിനായുള്ള ഘടകങ്ങള്‍ നമ്മിലേക്ക്‌ എത്തുന്നത്‌ പഞ്ചെന്ത്രിയങ്ങള്‍ വഴിയും.

                 അങ്ങിനെ നമ്മിലേക്ക്‌ വരുന്ന ഘടകങ്ങളെ അതുവരെയുള്ള അറിവും യുക്തിയും ഉപയോഗിച്ചാണ് നാം ശരിയും തെറ്റും മനസിലാക്കുക.(അവനവന്‍ താത്പര്യങ്ങള്‍ക്ക് ഇത് ബാധകമല്ല, കേട്ടോ..)

                      അപ്പോള്‍ അതിനു കാരണമായ വസ്തുക്കളുടെ അപ്പോഴുണ്ടായിരുന്ന അവസ്ഥയും സാഹചര്യങ്ങളും അതുവരെയുള്ള നമ്മുടെ അറിവും ചേര്‍ന്നുള്ള യുക്തിയാണ് ശരിയും തെറ്റും കണ്ടെത്തുക.

കൂടുതല്‍ ആഴങ്ങളിലേക്ക് പോകുന്തോറും, പ്രകൃതി നിയമങ്ങളുമായി അവയെ ചേര്‍ത്ത് പഠിക്കുമ്പോഴും, പ്രകൃതിയുടെ നിയതികളെ അംഗീകരിക്കുമ്പോഴും മനസിലാകും ഇവിടെ ശരികള്‍ മാത്രമേ ഉള്ളൂ എന്ന്.

                              പക്ഷെ ആ ശരികളെ ഉള്‍ക്കൊള്ളുവാന്‍ മനസ് അനുവദിക്കാതിരിക്കയും, കൂട്ടിയും കിഴിച്ചും കണ്ടെത്തിയ ശരികള്‍ക്ക് അപ്പുറം ഒരറിവും ഇല്ല എന്നും, അത് മാത്രമാണ് ശരി എന്നും കരുതുമ്പോള്‍, ആ ശരിക്കപ്പുറം അല്ലങ്കില്‍ ആ ബോധത്തിനപ്പുറം അന്ധത ബാധിക്കുന്നു. അസ്വസ്ഥതകളും ബാധിക്കുന്നു.

                              നമുക്കതീതമായ പ്രപഞ്ച ശക്തിയെയും പ്രുകൃതിയുടെ നിയതികളെയും മനസിലാക്കിയാല്‍ അതില്‍ നിന്നും മോചനം നേടാനും എപ്പോഴും സന്തോഷവും മന:ശാന്തിയും കൈവരിക്കാനാവുന്നതുമാണ്.
നാം സഞ്ചരിച്ച പാതയില്‍ നിന്നും നമുക്ക് പടി പടിയായി കിട്ടിയതാണ് നമുക്കുള്ള അറിവുകള്‍, കുറെ പടവുകള്‍ കടന്നു മുകളില്‍ എത്തിയ നാം, ഒരു സുപ്രഭാതത്തില്‍, താഴത്തെ പടവുകളില്‍ നില്‍ക്കുന്ന നമ്മുടെ അടുത്ത തലമുറയോട്, അവരെ നാം കടന്നു വന്ന പടവുകള്‍ ചവിട്ടാനനുവദിക്കാതിരിക്കുമ്പോള്‍ , നമ്മുടെ തീരുമാനങ്ങള്‍ അവരില്‍ ആശയക്കുഴപ്പങ്ങള്‍ ഉണ്ടാക്കുന്നതിനു കാരണമാകുന്നതും അത്തരത്തില്‍ മുന്നോട്ടു പോയി അവര്‍ക്ക് ചിന്തിക്കാനുള്ള അവസരം അറിഞ്ഞും അറിയാതെയും നിഷേധിക്കുന്നതും ശരിയാണോ?

                          തലമ്മൂത്തപ്പന്മാര്‍ പൊതുവില്‍ പരസ്യമായി കാണിച്ചു കൂട്ടുന്ന വിക്രിയകളും, പ്രതികരണ രൂപേണ സോഷ്യല്‍ മീഡിയകളില്‍ സംസാരത്തില്‍ കാണിക്കുന്ന സഭ്യതയും മാന്യതയും, കൂടാതെ ഇപ്പോള്‍ പുറത്തിറങ്ങി കൊണ്ടിരിക്കുന്ന സിനിമ - സീരിയല്‍ സംഭാഷണങ്ങളുമാണ് ശരിയെന്നു കരുതി വളര്‍ന്നു വരുന്ന സമൂഹവും ഇവിടെയുണ്ട്. ഇനി അവര്‍ ഭരിക്കുന്ന ഒരു കാലത്തിനും നമ്മള്‍ സാക്ഷിയാകേണ്ടിവരുമെന്ന കാര്യവും മറക്കാതിരിക്കുക. നന്മകള്‍ പ്രചരിപ്പിക്കുന്നത് നന്നായിരിക്കും. നന്ദി നമസ്കാരം.